• انا هاني ودي قصتي مع الجن المبعوث من كتاب السحر الأسود
• انا انسان طبيعي جدا بشتغل شغل روتيني جدا ومليش علاقه بأي شخص خارج نطاق عملي
• اتعلمت المحاسبه واتمكنت فيها وبدأت أدير حجات كتير في مجالي
• وبقيت معروف في كل مكان في نطاق العمل بأسمي ونجاحي وتفوقي
• اتعرفت على جميع الجنسيات من جميع الدول المختلفه اذا كانوا رجال أو سيدات
• كان عندنا اجتماع في أفريقيا في جزيره او زي منطقه تعرف بمنطقه الفودو او منطقه الدوامه السوداء
• وتم تسميتها بالاسم دا بسبب الأعمال السفليه والحجات الغامضه الي بتحصل فيها
• وكمان مشهوره ببيع حجات للسحر الأسود وتحضير الجن وكتب السحر وحجات كتير اووي
• خلصنا اجتمعنا وطلبت المجموعه انها تفضل في المكان دا لمده يومين او تلاته زي مثلا اجازه أو فسحه لانه كان شكله غريب عليهم زيي بالظبط
• انا طبعا كنت العربي الوحيد في المجموعه وكنت رافض الموضوع تماما
• ولكن بعد إلحاح شديد من الجميع وافقت بشرط اني افضل في الفندق ومنزلش منه ابدا
• ووافقو على قراري وبقيت اشوفهم ينزلو يسهروا وانا قاعد في اوضتي جمب الشباك زي ما انا متعود وخلاص
• بس تاني يوم كانت الساعه 11.30 قبل منتصف الليل
• شوفت انسان بيبص عليا من زاويه ضالمه قصاد الفندق
• انا كنت شايف عيونه واضحه جدا وحتى ضحكته كانت ظاهره لكن ملامحه كانت مختفيه
• وفضل باصص كتير اووي عليا ومشلش عينه من عليا لدرجه اني افتكرت بيبص علي حد تاني او كأنه تمثال
. لكن لاء
• انا متأكد انه باصصلي انا مش باصص لحد غيري
• وبعد كدا لقيته طلع من المكان الي كان فيه واختفي
• انا قعدت بعيد عن الشباك شويه وفضلت افكر في إلى شوفته بعيوني دا حقيقي ولا كذب ولا انا بيتهيئ ليا
. دماغي تقلت من كتر التفكير
• ونمت ومحستش بنفسي
. واول ما نمت حلمت اني في مكان واسع
• وفي ناس غريبه اوووي وكلها في أماكن ضالمه
• وانا عمال اجري في جميع الأماكن عشان اخرج من المكان دا
. وكل ما أقرب لحد الاقيه اتحول لجن شكله مخيف جدا ومنظره مرعب
• اسيبه واجري وأشوف مكان تاني
. وبعد كدا لقيت حاجا منوره من بعيد طلعت اجري عليها لقيت الفندق الي قاعد فيه والي كان منور شباك اوضتي وانا واقف فيه وببص على حد ومره وحده طلع حد من قصادي وخنقني
• قومت من النوم وانا جسمي كله عرقان ومش قادر اخد نفسي
. ارتحت شويه وقولت اكيد تهيأت اكيد محدش ناوي يموتني وانا اصلا معملتش حاجا في حد
• تاني يوم روحت للشركه اخلص كام حاجا في المكان وبعد كدا نزلت اتمشى في البلد واشوف الحضاره الافريقيه وحياتهم ماشيه ازاي
• لقيت منطقه في البلد بتبيع عرايس ودبابيس ضخمة وحجات شكلها مرعب ودم
. المشكله ان مفيش حد بيقول ليهم ان بيع الأشياء دي محظور أو غلط بس سيبتهم
• وكملت طريقي لحد ما وصلت لبيت لفت انتباهي كان شكله غريب بس جميل
• الحيطان مرسوم عليها نقوش شبه النقوش الفرعونيه
• والبيبان خشب وضخمه ومرسوم عليها عيون وأشكال حيوانات
• فضلت اتفرج على البيت لحد ما لقيت الباب اتفتح وحد بيقولي اتفضل خش جوا
• انا خوفت الصراحه ورفضت ادخل بس لقيته بيقول زملائك كلهم جوا اتفضل شوفهم
• انا صراحه لما قال كدا شدني الفضول اعرف بيعملو ايه ودخلت اشوفهم
• لقيتهم صح جوا وقاعدين حوالين انسان قصير القامه اسود جدا وعيونه كانت حمره ووسط نار وعمال ينفخ من ايده حجات على كل واحد وهوا قصاده النار والنار تكبر قصاده وبعد كدا تنزل
• وفضل يعمل الحجات دي كتير اوووي وانا عمال ابص للمنظر ومندهش من الي بيحصل دا وانه بيعمل كدا ليه
• سألت الشخص الي دخلني عندهم هما بيعملو ايه وليه النار بتبقى كبيره وبعد كدا تنزل مره وحده
• قالي
. دي مراسم القرين الحارس بيتم احضاره لوقت معين وبعد كدا بيختفي
• قولتله قرين حارس ايه مش فاهم حاجة
• قالي كل واحد مننا ليه قرين ولكن بيظهر في اوقات معينه وساعات بيظهر وانتا نايم أو مشغول في حاجا ويفضل حواليك يشغلك او يعملك حاجا تخوفك نوع من أنواع التسليه
. انا خوفت جدا من كلامه ومن حوار القرين دا
• لقيته بيقولي زملائك جايين هنا عشان يحضرو القرين يعرفو اخبار حياتهم ومستقبلهم وينفذ القرين ليهم طلبات
• انا طبعا استغربت جدا من كلامه وازاي اساسا الأشخاص دي تفكر في الحجات دي او تتبعها بس انا مليش دعوه كل واحد وحاله
. قولت استأذن وامشي لقيت مساعد الراجل الي بيحضرلهم القرابين قالي لا استنى الساحر عاوزك
. انا قولتله عاوزني في ايه انا مليش في الحجات دي وبعدين انا خايف من المكان اساسا ومينفعش افضل اكتر من كدا
• ولسا جاي امشي لقيته مسكني من ايدي وقالي مش ها تخرج غير لما الساحر يشوفك الأول
• انا خوفت من منظره ومعاملته وقولتله تمام ها افضل مستنيه
• الساحر خلص وهما شافوني وانصدمو اني موجود واني عرفت كل حاجا عن الي كانوا بيعملوه وشوفتهم وهما بيتنفضو جامد وكأنهم بيموتو بسبب القرين الي كان بيطلع منهم وسابوني ومشيو
• لقيت الساحر قرب عليا وقالي الحلم الي حلمته وشوفت فيه الجن ظهرلك تاني
. لقيت الساحر قرب عليا وقالي الحلم الي حلمته وشوفت فيه الجن ظهرلك تاني
• انا بصيت ليه ومستغرب ومرعوب قولتله هوا انتا عرفت ازاي اني حلمت حلم فيه جن او شوفت فيه جن
• قالي كل حاجا عنك بتظهرلي من قرينك لاني بتواصل مع قرين اي شخص بيخش عندي او بحب اعرف عنه اي حاجا
• قولتله وانتا تعرفني منين انا اول مره اجي البلد دي اساسا غير للمؤتمر
• لقيته بصلي وضحك وقالي انا عندي جن بيعرف كل تفاصيلك من اول ما دخلت البلد لحد ما ها تخرج وكل حاجا بتتنفذ بأمر مني انا بس
• قولتله وانتا محتاج مني ايه
• قالي انا مش عاوز منك غير حاجا واحده بس
• قولتله حاجا ايه الي ممكن تطلبها مني
• قالي في شخص شغال معاكم اسمه كذا قولتله اه عرفت منين
• قالي دا السبب انكم تيجو المؤتمر دا وكمان السبب ان زملائك يتمشو في الأماكن دي ويوصلولي
• وكمان هوا السبب في مشاكل كتير بيني وبين عالم الجن
• قولتله لا هوا مستحيل يكون بيعمل كدا او يعرف حاجا زي كدا
. قالي لا دا اسلوبه انه ميعرفش حد هوا بيعمل ايه
• قولتله طيب ايه المطلوب مني اعمله
• قالي ها اديك كتاب ها تاخده معاك لبلدك ووقت ما تكون في المكان الي هوا فيه ها تفتحه وتقرا الصفحه السابعه من الكتاب وبعد كدا تقفل الكتاب وتمسح ايدك بيه وتسلم على الإنسان دا وبعد كدا شكرا ليك
• قولتله ولو منفذتش الي انتا قولت عليه دا ها يحصل ايه
• قالي ها اسلط عليك جن صعب الفرار منه و مش ها يسيبك غير وانتا في أشد عذابك وممكن يوصلك لموتك
• قولتله لا خلاص انا موافق هات الكتاب
• جابلي الكتاب ببص عليه لقيته مكتوب عليه طلاسم المبعوث (عوده الجن)
• قولتله هوا الكتاب دا فيه ايه بالظبط ممكن اعرف
• قالي ها تعرف هناك لما تقرأ الصفحه السابعه كامله
• قولتله تمام اهم حاجا ميكونش في اذيه ليا او للي حواليا
• قالي لا متقلقش مفيش اذيه ليك ولا لأي حد معاك ها يكون ليه هوا وبس
. قولتله انا مش عارف انا ماشي معاك ازاي بس تمام
• وسيبته ومشيت وانا شايل الكتاب ومرعوب منه ومن الي فيه
• قابلني واحد من زملائي وشاف الكتاب وقالي عاوز ابص عليه
. رفضت وخوفت احسن يعرف ان فيه حاجا ومشيت
• رجعت المدينه وانا حاسس ان ها يحصل مصيبه كبيره اوووي بسبب الكتاب دا
• رجعت الشركه وكان الشخص الي قالي عليه قصادي
• طلعت الكتاب وفتحت الصفحه السابعه منه وبدأت اقرأ
• سام لح شوش يحضر جن جيوش يقتل يسلب روح للتعذيب مطروح
• وكلام كتير مينفعش اذكره لانه طلسم إحضار جن وانا اكتشفت كدا متأخر
• بعد ما خلصت الكلام الي مكتوب كله لقيت جن طلع قصادي ضخم جدا جدا
• قرونه كبيره ووسطها نار شديده ومخالبه صعبه وليه ديل مليان شوك
• كان باصص عليا وبعد كدا اداني ضهره ولقيته هجم مره وحده على الراجل الي معايا في الشركه وفضل يضرب فيه والي موجودين في الشركه شايفه ان الموظف دمه بينزل من كل حته بس مش عارفين السبب ولما بدأ يصرخ كله هرب
• انا فضلت قاعد وماسك الكتاب وخايف اووي من النتيجه الي ها تحصل
• ومره وحده لقيت الجن وقف من الي كان بيعمله وبعد كدا قرب عليا جامد اوووي وجرى عليا واختفي مره وحده ولقيت الكتاب اتقفل
• قربت على الراجل وببص عليه لقيته مدبوح وجسمه كله متقطع بطريقه بشعه
• وعيونه فيها منظر الجن وهوا بيبص عليه ومصدوم من الي بيحصلو
• طلعت اجري من الشركه زي المجنون ومش عارف اروح فين وفكرت اروح البيت
• دخلت شقتي وقفلت على نفسي وانا ماسك الكتاب ومرعوب
• ومره وحده التليفون رن برد على المكالمه
• لقيته الراجل الي اداني الكتاب في الرحله الي كانت في أفريقيا
• ولقيته مبسوط اووي وقالي الخبر وصلي انه مات زي ما انا طلبت بالظبط برافو عليك
• دلوقتى انتا حر طليق ومعاك كتاب لا يقدر بمال
• اي انسان يضايقك او يعصبك افتح الكتاب واقرا الصفحة السابعة ها يحضر الجن ويعملك اي حاجا تطلبها وقفل السكه
• انا قلقت جدا وخوفت جدا من الكتاب وانه ممكن يأذي حد من عيلتي
• اخدته وخفيته عندي في الاوضه وخلاص ولا كأن حصل حاجا
• وبعد فتره كان في واحد مستقصدني في الشغل وديما عينه عليا وعلي شغلي وعاوز يخرب اي حاجا بعملها
• فكرت في كلام الساحر ان اي حد يأذيني اقرا من الكتاب وهوا الجن ها يحضر وينفذ اي حاجا اطلبها
• جيبت الكتاب وفتحت الصفحه وبدأت اقرأ من الكتاب لحد ما الجن ظهر
• طلبت منه انه يقتلي الإنسان إلى بيدايقني ديما وبابشع الطرق
• لقيته اختفى من قصادي ومظهرش تاني وبعد يوم سمعت خبر ان الانسان الي كان بيأذيني اتقتل بطريقه غامضه ووحشية جدا
• لقوه في بيته متعلق من رجله وجسمه كله متقطع بطريقه مرعبه
• انا فكرت وقولت انا زي ما الساحر قال
. انا معايا كنز كبير واقدر استغله كويس
• وفي يوم وانا قاعد على مكتبي في البيت فكرت اني اقرأ في الكتاب الملعون دا شويه
• فتحته وقرأت الصفحه الثامنه كلها كانت كلام مش مفهوم بس سهل القراءه
• وفضلت اقلب في الصفح لحد ما لقيت حاجا مكتوب عليها عوده الجن
• شدني الفضول اني اقرأ الكلام المكتوب فيها وقراءته كله بالتفصيل وكانت طلاسم تحضير جن قوي جدا أقوى من الجن الي انا كنت بحضره
• ومره وحده بعد ما خلصت لقيت الجن جمبي واقف قريب جدا مني وحاسس بجسمه ونفسه
• انا اترعبت من منظره جدا وخوفت احسن يعمل حاجا في إلى موجودين في البيت
• خوفت الف وشي عليه واشوفه بس استجمعت قوتي ولفيت وشي لقيته اختفى
• مسكت التليفون ورنيت على الساحر وقولتله على الي حصل
• قالي انتا رجعت الجن تاني واستحمل سبب عودته دي اما حياتك او حياه الي حواليك وقفل السكه
• قعدت ارن ارن ارن لكن للأسف مكنش في رد
• انا اترعبت اكتر بعد ما قال الكلام دا كله وخوفت اكتر علي اهلي
• سيبت الكتاب ودخلت الحمام وانا في الحمام سمعت صراخ البيت كله
• طلعت اجري اشوف الي بيحصل ملقتش اهلي كلهم اختفو
• ومفيش اي أثر لدم او قتل او اي حاجا خالص
• امي وابويا واختي مش موجودين
• انا بقيت مش عارف اعمل ايه ها اتجنن على اهلي راحو فين مش لاقيهم
• فضلت ادور على اي حاجا تدلني عليهم او انهم اختفو فين ملقتهومش
• لقيت الكتاب على المكتب ومفتوح مع اني كنت قافله
• بصيت على الصفحه الي كانت مفتوحه لقيت مكتوب فيها احضاري وعدم انصرافي لعنه وموت لك ولعائلتك
• لكي ترا عائلتك بعينك وهيا تموت اذهب لهاذا المكان
• المكان الي وصفه كان في الجبال ومنطقه واسعه جدا وضالمه وكان معروف عنها انها كانت تجمع عبده الشياطين وكمان لأعمال السحر
• ركبت عربيتي وروحت على المكان الي وصفهولي بس ملقتش حاجا
• ومره وحده لقيت حد بيشدني من جسمي واخدني سريع لمكان بعيد عند جبال ضخمه
• ورماني فيها على الأرض وهوا كان قصادي وبيبصلي بكل غضب
• لقيته بيقولي احضرتني ولم تصرفني فا تلقى عذابك مني
• ومره وحده ببص على الي ماسكه في ايده لقيتها جنازير
• ببص على اخر الجنازير لقيت اهلي محطوطين في قفصان وعمالين يصرخو
• وهوا كل ما يحرك الجنازير يزيدو في صراخهم وعياطهم
• قولتله انتا عاوز ايه وعاوز ايه من اهلي
• بصلي وقعد يضحك وبعد كدا لقيته شد جنزير من الجنازير عليه وشوفت امي وهيا بتتفعص في قلب القفص ومش قادره تخرج والقفص كله غرقان دم وانا عمال احاول اجري عليها مش عارف
• متكتف ومش قادر اتحرك وكل الي عليا اني اصرخ وابكي
• وانا شايف بعيوني اهلي بيموتو بالبطئ
• انا افتكرت كلام الساحر لما قال ان الكتاب فيه إحضار الجن وانصرافه
• كان الكتاب معايا في العربيه
• طلعت عليه جري ومسكت الكتاب وفضلت ادور على صفحه اصراف الجن ومش لاقيها
• لحد ما لقيت صفحه بتتكلم عن أبعاد الجن وانصرافه بعد تحضيره
• مسكت الصفحه وبدأت اقرأ فيها واعلى في صوتي وانا بقرأها
• وهوا عمال يصرخ وجسمه عمال بيزيد في حجمه ومخالبه بتكبر
• وبعد كدا فتح قفص ابويا وخلا ابويا يهرب منه
• انا كنت بعيد عن ابويا بشويه بسيطه
• لقيت ابويا بيجري ناحيتي والجن وراه بالظبط
• واول ما ابويا قرب عليا الجن شق جسمه نصين وسال دمه في كل حته
• وانا شايف كل دا بعيوني والمنظر خلاني انصدمت وانا شايف عيلتي بتموت
• قربت عليه وبدأت اقرا من الكتاب واعلى في صوتي اكتر وهوا يبعد عني ويقرب من اختي
• وجت حته لازم اكون قصاده فيها واقرأها بصوت عالي قصاده وانا فاتح الكتاب
• روحت قصاده وبدأت اقرا بصوت عالي وهوا مش قادر يقرب ليا ولا يتحرك بس جسمه عمال يزداد وغضبه يزيد وبعد كدا لقيته اتكلم بصوت تخين اوووي واختفى
• طلعت اختي من القفص الي كانت فيه وهيا كان مغمي عليها
• وحطيتها في العربيه واتصلت بالحكومه والاسعاف
• ووصلو المكان واخدو جثه امي وابويا وروحت معاهم ودفنا الجثث
• ورجعت روحت البيت وولعت في الكتاب نهائيا
• وبلغت حكومه البلد الي ساكن فيها الساحر وحددت مكان منزله وتم القبض عليه وحبسه في تهم كتير وارتحت من شره
• بس خسرت امي وابويا ومكنش ليهم ذمب في كل الي انا عملته دا كان ذمبي
• عاتبت نفسي كتير اووي وحاولت أبلغ في نفسي علي الي انا عملته في الاتنين الي ماتو
• بس خوفت على اختي انها تتبهدل من بعدي
• بس فكرت اسيب الشغل لانه السبب في كل الي حصل
• وقدمت استقالتي وسيبته واشتغلت في مكان بعيد عن المجال الي كنت فيه لا فيه سفر ولا اختلاط بالناس ولا دول تانيه
• وعاهدت نفسي اني ابقى جنب اختي وأفضل جمبها ديما ومتصرفش اي تصرف يضرني او يضرها
• ودلوقتي انا عايش حياتي عشان اربي اختي واشوفها قصادي بتكبر وبخير وبس
• واي حاجا مليش اختلاط ولا فهم فيها بتجنبها نهائيا
• انا اتعلمت من الي حصل ومستحيل ارجع اعمل كدا تاني
. وخلصت القصه
